Chichewa Christian Hymns

Hymn 340 PEMPHERA m’mbanda kucha,

PEMPHERA m’mbanda kucha,
Pempheranso usana;
Pemphera m’dzulo momwe,
Pemphera ndi usiku.
Ndi mtima wonse idza,
Tulutsanso zachabe;
M’nyumbamo ugwadire
Ndi kukapempherabe.

Kumbuka ’bale ako
Ndi onse uŵakonda;
Pemphera ’dani ako
Amene akutonza.
Dzipempherere wekha
Mulungu akusunge;
Tchulanso popemphera
Dzinalo la Ambuye.

Akakusoŵa malo
Opempheramo m’tseri,
Komatu m’mtima mwako
Mwaloŵatu zoyera;
Anazilonga m’mwemo
Ndi Mzimu Wakuyera;
Zolingirira zija
Kwa Mlungu zidzakwera.

Tilibe madalitso
Akulingana n’lino
Atate atipatsa,
Kupempherabe bwino.
Ukamvatu chisoni,
Kwa Mbuye kapemphera.
Adzakusangalatsa,
Pemphero adzamvera.