Chichewa Christian Hymns

Hymn 427 AULENDO amayenda

AULENDO amayenda
Muusiku wo’psyawo,
Namaimba nyimbo zawo
Kunka kwawo m’Mwambamo.

Kuunika kuoneka
Koingitsa mdimawu;
Mbale amakondwerera,
Osaopa konse ’yi.

Mlungu amaunikira
Anthu ake onsewo,
Namachotsa mantha omwe,
Nayeretsa m’njira mbee!

Anthu osaŵerengeka
Amtamira onsewa,
Nagonjetsa zosautsa
Pomtamira Mbuyeyo.

Pakufika tsidya lija,
Zotibvuta zonse phe!
Mfumu yathu yopambana
Idzatikondwetsadi.

Nthaŵi yina adzadzuka
Ogonera m’mandamo,
Kuthaŵatu mphamvu zonse
Zotibvuta pansipa.