ख्रिश्चन गाणी

गाणे 158 चमचमती ज्या लाख तारका गाण्याचे बोल

चमचमती ज्या लाख तारका,
तूंच निर्मिल्या अस्मानी
ज्योत अमर तूं या जगताची,
मार्ग उजळण्या या भुवनीं

प्रभु येशू प्रिय मुक्‍तीदात्या,
येसी धांवत तूंच झणी
मर्त्य मानवी या सृष्टीची,
दीन ऐकतां तूं वाणी

रसातळाला मानवजाती,
जातां आधार न कोणी
सोडविण्याला तिला धांवला,
स्वर्गकृपेचा सदय धनी

संध्याघटिका क्षणाक्षणाला,
ग्रासण्यास बघतां अवनी
धन्य कुमारी मरिये उदरीं,
येइ नितिचा शुभ तरणी

शीर्षे झुकतीं परमश्रेष्ठ तें,
गोड नाम तव ऐकूनी
स्वर्ग नि धरती, नत सारीं तीं,
होतीं राजेश्वरचरणीं

न्यायाधिश सकलांचा प्रभुजी,
करिल निवाडा न्यायदिनीं
परमपवित्रा तुला प्रार्थिती,
दीन तुझे मानवप्राणी

वस्ती जोंवर या धरतीवर,
देई तारणसंजिवनी
तुझ्या प्रसादें धुळीस मिळवी,
कुटील घाले सैतानी

देव पित्याला, देव कुमारा,
देवा परमात्म्यास जनीं
असो निरंतर गौरव महिमा,
स्तवूं तयाला गाऊनी