ख्रिश्चन गाणी

गाणे 61 चला चला जाऊं गाण्याचे बोल

चला चला जाऊं,
जगाचा उद्धारक पाहूं – ध्रु

परमोच्चावर गौरव शांती

ह्या धरणीवरती,

कृपा नरावर, परमोत्साहें
देवदूत गाती,

प्रतिध्वनीनें ग्रह हे सारे
व्योमीं दणदणती;
चला गीत तें
आपणही गाऊं- १

भविष्यवादी स्वर्गी सारे
लागती नाचाया,
साधेभोळे मेंढपाळही
लागति धांवाया
पूर्वेकडुनि साधु निघाले
प्रभुला भेटाया,
चला दर्शना
आपणही जाऊं- २

प्रीती आली देह धरोनी
आम्हां ताराया,
हस्त धरोनी मृतांस आम्हां
पुनरपि उठवाया,
जयजय येशू ह्या मधुघोषें
भुवना व्यापाया;
प्रभुला हृदयीं
सांठवुनी घेऊं- ३