Chichewa Christian Hymns

Hymn 190 CHITETEZO chachikulu

CHITETEZO chachikulu
Chotuluka m’mwaziwo
Wa Ambuye Yesu Kristu,
Mpulumutsi wathuyo.
Mpulumutsi, chitetezo
Chipezeka m’mwaziwo.

Ndi chimwemwe ndimaona
Mtsinjewo wa mphamvutu;
Zonditsutsa zachotsedwa,
Yesu wanditsuka mbuu!
Mpulumutsi, chitetezo.
Chindisangalatsatu.

Tchimo lonse ligonjera
Chikondicho cha Yesu,
Maganizo ’yeretsedwa;
Ndingofuna zakezo.
Mpulumutsi, chitetezo
Chigonjetsa mtimawu.

Ndili nawo moyo w’satha
Wochuluka mwa Yesu,
Mzimuyo wadzaza mtima
Ndi chimwemwe chakecho.
Mpulumutsi, chitetezo,
Chiyanjano chomwenso.

Mantha, nkhaŵa, ndi chisoni
Zachotsedwa zonsezo;
Mbuyeyo ndimkhulupira,
Anditsogoleratu.
Mpulumutsi, chitetezo,
Ndimkondadi Yesuyo.