ख्रिश्चन गाणी

गाणे 284 शिष्यही गणाया नाहीं गाण्याचे बोल

शिष्यही गणाया नाहीं
योग्य जो तयाला
मित्र तूं जिवाचा
म्हणशी उदारा दयाला !- ध्रु

धूल जी तुझ्या पायांची
तिच्याही कणाची
योग्यता न माझी,
सदया प्रभो, दुर्बलाची !
साउली न घ्यावी
ज्याची तुवां या खलाला
प्रेमानें घ्यावें स्कंधी !
काय म्हणूं ह्याला !

दिव्य वैभवाचें नाहीं
मोल वाटलें ना ?
मर्त्य देह माझ्यासाठीं
मान्य जाहला ना ?
ठोकिले खिळे देहीं
हें सर्व सोसलें ना ?
काय नांव देऊं न कळे
ह्या तुझ्याच शीला !