ख्रिश्चन गाणी

गाणे 206 नको प्रभू, तरि मजला सोडूं गाण्याचे बोल

नको प्रभू, तरि मजला सोडूं,
शरण पतित मी तुजला रे

क्षणोक्षणीं मीं पापें करितों,
मन हें मज अकळेना रे
काय करुं ? हा जिव तगमगतो
तव पदिं नहीं रुजला रे

सुभावनेची, कुभावनेची
हृदयीं झटपट होतां रे,
कुभावनेला वश मी होतों,
वण माझा ना तुजला रे

अरे, अरे, मी माणुस कष्टी
मर्त्य तनूपासुनिया रे
कोण वरी मज मुक्त, दयाळा
तुजविण जिव हा सुजला रे

अमुच्या प्रभु ख्रिस्ताकडुनी मी
स्तुति करितों देवाची हो,
स्वतां मला प्रभुसेवा अवडे,
पण हा देहच कुजला रे