Chichewa Christian Hymns

Hymn 122 KUNALI munthu wa Mlungu,

KUNALI munthu wa Mlungu,
Dzina lake ndi Eliya,
Anatumidwa ndi Mulungu,
Kukhala mneneri wake.
Iyeyo anali womvera;
Chifuniro cha Mulungu.

Anali wolimba mtima,
Kudzudzula osamvera,
Ngakhalenso mafumu omwe,
Nawadzudzula kolimba.
Iyeyo anali womvera,
Chifuniro cha Mulungu.

Anachita zozizwitsa,
Powaukitsa akufa.
Mulungu anam’patsa mphamvu,
Yogwirira ntchito yake.
Iyeyo anali womvera,
Chifuniro cha Mulungu.

Kunam’komera Mulungu,
Kumukwezadi Kumwamba,
Anakweratu pa galeta,
Ulendo wonka Kumwamba.
Iyeyo anali womvera,
Chifuniro cha Mulungu.

Ifenso tilimbikedi,
Kukhulupilira Mbuye,
Ndipotu adzatitengadi,
Kupita nafe Kumwamba.
Ngatitu tikhala omvera,
Chifuniro cha Mulungu.