Chichewa Christian Hymns

Hymn 293 LIMBA mtima mbale wanga

LIMBA mtima mbale wanga
Usapunthwe m’njirayi;
Onatu nyenyezi ija
Ikutsogoleradi.
Tamveratu Mlungu yekha,
Chita zolungama ’we,
Yenda bwino, khulupirira
Mbuyeyo, Mbuyeyo,
Ndikuchita zakezi.

Taya zako zochenjera,
Taya zamumdimanso;
Nthaŵi zonse khulupira,
Chita zolungamazo.
Usayang’anire wina
M’khondo yake yomweyi,
Koma m’zonse khulupirira
Mbuyeyo, Mbuyeyo,
Ndi kuchita zakezi.

Leka zakuipa zako,
Myambi yonse yoti bii,
Usakhulupire mommo:
Tamveradi Mbuyedi.
Adzadana nawe ena,
Ena adzakonda ’we;
Kweza maso, khulupirira
Mbuyeyo, Mbuyeyo
Ndikuchita zakezi.

Mawu ake atipatsa
Mphamvu ndi mtenderenso,
Bwino atitsogolera,
Tikhulupirira ’wo
Limba mtima, usapunthwe
M’njira yamumdimayi;
Yenda bwino, khulupirira
Mbuyeyo, Mbuyeyo,
Ndi kuchita zakezi.