ख्रिश्चन गाणी

गाणे 62 जगिं तारक जन्मा आला गाण्याचे बोल

जगिं तारक जन्मा आला
चला, पाहुं चला हो त्याला -ध्रु.

नृपवैभव घेऊनी नाहीं,
कीं अन्य अलौकिक काहीं,
तो दीनच जन्मा आला
जगिं दीनां तारायाला, -१

जरी सर्व तमाला सारी
तरि नाहिं प्रखरकरधारी,
तो सौम्यच जन्मा आला
जगि पाप्यां तारायाला -२

जरि शब्द देव जो होता
तो तनुला झाला धरिता
तरी दैवि रूप नच ल्याला
प्रीतीस्तव आमुचा झाला -३

हें आकाशातुन खालीं
नवजीवन हो उडि घालीं
घ्या देहि सांठवुन याला
जय येशू ! जय ! जय ! बोला -४