ख्रिश्चन गाणी

गाणे 229 पूर्वी दाविदाच्या गांवीं गाण्याचे बोल

१ पूर्वी दाविदाच्या गांवीं
गोठा, बैल दिसले,
तेथें आईनें गव्हाणीं
प्रिय बाळ ठेविलें
माता ती मरीया दीन,
येशू ख्रिस्त बाळ लीन,

२ स्वर्गाहूनि पृथ्वीवरी
आला देव भगवान
गोठा मात्र त्याचा आश्रय
पाळणा गव्हाणीं जाण
नम्र दीन यांसहित
त्राता राहिला पृथ्वींत

३ हो आश्चर्य ! बाळपणीं
मान देई आईला,
पडे शांत अंकावरी
प्रेमें पाही तिजला
ख्रिस्ती मुलें सगळीं
तैसीं व्हावीं चांगलीं

४ तोची लेंकरांना कित्ता,
बाळापरि वाढला
तान्हुला, लहान होता,
रडला व हंसला
सारें दु:ख जाणे तो,
बाळांसंगें हर्षतो

५ अंतीं आम्ही त्याच्या प्रेमें
त्याला पाहूं वैभवीं,
असे बाल सौम्य, प्रिय,
राजा स्वर्गी गौरवी
तेथें दिव्य वैभवीं,
आपुल्या मुलां नेई

६ पुन्हां कधिंही गव्हाणीं
आम्हां तो न दिसणार
परी आसनीं पित्याच्या
पाहूं त्या प्रमोदें फार
तेथें बाळें तेजोमय
त्याला सेविती अक्षय