ख्रिश्चन गाणी

गाणे 152 ख्रिस्तराज्याची सुवार्ता गाण्याचे बोल

ख्रिस्तराज्याची सुवार्ता
या जगा सांगाल का
हालेलुया हालेलुया
गौरवे गर्जाल का

घ्या वीणा, हाती टाळ, मृदंग
आळवा प्रेमे होऊन दंग
त्या प्रभुचा थोर महिमा गाऊन दाखवाल का

संकटे येता जो करी साथ
येई धावोनी दे झणी हात
त्या प्रभुला प्रेम भावे
अंतरी ठेवाल का

दाविली प्रीती त्यागुनी प्राण
जिंकिल वेगे, मृत्यु, सैतान
तो जगाचा तारणारा
ख्रिस्त हा सांगाल का

या अहो कष्टी या भाराक्रान्त
घ्या विसावा घ्या सौख्य नितान्त
दीनबंधु ह्या जगाचा
ख्रिस्त हा सांगाल का