ख्रिश्चन गाणी
गाणे 116 ईश्वरशब्दा, एकुलत्या पुत्रा गाण्याचे बोल
ईश्वरशब्दा, एकुलत्या पुत्रा,
भूस्वर्गनाथा, वत्सला, पवित्रा
दास जैं भावें तूझि स्तुती गाती
ऐक कृपें ती
संस्थापनेच्या उत्सवीं या सारे
वर्षानुवर्षी आदरोपचारें
तुज भजाया मंदिरीं येतों या,
नाम स्तवाया
दर्शनी तुझ्या मंगल या स्थानीं,
रोज भक्तीनें, त्वप्रजा इमानी
येई, गूढार्थी, दिव्य अन्न खाया,
पेयही प्याया
जन्मस्वभावें पापकालीमा जी
बाळां लागे ती, शुद्ध, कुंडामाजीं
धुवुनी होती, सैन्य येशूचें तें
नूतन होतें
या स्थलीं नित्य स्वास्थ रोगग्रस्तां
दिप्ति धर्माधा, शांति, सुख श्रांता,
मुक्ति पापीयां, कैक दानें ऐसीं
देशी भक्तांसी
स्थान प्रभूचें, द्वारचि स्वर्गाचें,
प्रिय सद्भक्तां, शुद्ध, मधु साचें
येथुनी सारें ऊपरीं प्रवासी
जाती घरासी
वेळीं अवेळीं, येउनी या स्थानीं
प्रार्थीतां आम्ही तूज दिनवाणी,
ऐकुनी देवा, आस पुरवावी,
रिक्त न लावी
त्र्येक त्रिव्यक्ति, वंद्य पित्या पुत्रा
त्यापरि आत्म्या, प्रेमळ पवित्रा
गौरव स्तुति, एक जगद्वंद्या
सर्व तुम्ही द्या