Chichewa Christian Hymns

Hymn 474 MPULUMUTSI, Mbusa wathu,

MPULUMUTSI, Mbusa wathu,
Mutitsogolere ife;
Mutiŵete, mutisunge,
M’khola mwanu mtilandire
Yesu wathu, Yesu wathu,
Mnatigula ana anu.

Ndife ana, mutikonda,
M’njira mutiperekeze;
Mchotse nsoni ndi zoipa,
Osokera muŵabweze:
Yesu wathu, Yesu wathu,
Mumve mapemphero athu.

Munanena mulandira
Osauka ndi oipa;
Inu ndinu wachifundo
Ndi wamphamvu yolanditsa
Yesu wathu, Yesu wathu,
Tidzatu tiana tanu.

Tifunitsa Inu tere,
Chifuniro chanu ndicho;
Mbuye wathu, Mpulumutsi,
Mutikonzetu m’katimo;
Yesu wathu, Yesu wathu,
Mutikondebe ana anu.