Chichewa Christian Hymns

Hymn 456 ANA inu, ana inu,

ANA inu, ana inu,
Taukani ndi kumvera
Amithenga a Kumwamba;
Anafika kalelo,
Natiuza Mpulumutsi
Anabadwa pansipa.
Zaka zonse, tsiku lomwe
Umamveka mthengawu.

M’nyumba zonse ponseponse
Zimamveka nyimbo izi,
Kuti Yesu anabadwa,
Anagona m’kholamo,
Anafika Mpulumutsi
Wotikondweretsadi,
Kondwerani, kondwerani
Inu nonse ana ’nu.

Taukani, taonani
M’mwamba monse mwakuyera;
Amithenga a Mulungu
Aimbabe nyimboyo.
Yesu Kristu anatsika,
Anachoka kwawoko;
Lero lonse tiimbenso
Nyimbo yathu yomweyo.