Chichewa Christian Hymns

Hymn 373 NYUMBA ya Mulungu, ili pano,

NYUMBA ya Mulungu, ili pano,
Chipata cha M’mwamba
Chili pano;
Idzani msanga, mudzalowe,
Yehova ndiye Mbusa wathu.

Ndinasokera, lero ndabwerera,
Mulungu anandisunga ine;
Idzani msanga mudzalowe,
Yehova ndiye Mbusa wathu.

Mulungu atero ndili nanu,
Ndidzadalitsa’nu nthawi zonse;
Mtendere m’mabanja onsewo,
Yehova ndiye Mbusa wathu.

Mulungu Atate adzasunga,
Anthu a padziko mwamtendere;
Sadzawasiya iwo okha,
Yehova ndiye Mbusa wawo.