Chichewa Christian Hymns

Hymn 152 AMBUYE wathu Yesu

AMBUYE wathu Yesu
Akhala Mfumunso;
Zoipa zazikulu
Azigonjetsa’Ye;
Anena mawu ake
Ochotsa zonsezo,
Kalelo nalamula:
Pakhala bata duu!

M’ulemerero mwake
Anenanenabe:
Munkhondo apambana
Ndi mawu akewo.
Akristu akondwera
Poona mphamvuyo
Ya Mbuye wathu Yesu
Wotiwombolayo.

Zobvala zake zonse
Nza mwazi woti pyu!
Pamphumi pake pomwe
Korona waketu.
Unyolo wa Satana
Umasulidwako;
Kumwamba amithenga
Atama Mbuyeyo.

M’kufatsa kwake komwe
Anena nafenso,
Tonsefe omangidwa
Ndi zakuipazi;
Ambuye amanena
Zotichenjezazi:
Ananu, msiye zonse,
Mupulumuketu.

Chikondi cha Mbuyathu
Chiposa zonsetu;
Chisomo chake chomwe
Chikondweretsabe;
Ulemu wake wonse
Umapambanadi;
Tiyeni, tikondwere
Popita m’Mwambamo.