Chichewa Christian Hymns

Hymn 83 MBUYEYO adzabwera,

MBUYEYO adzabwera,
Tsiku lomalizalo;
Kudzatenga anthu ake,
Okhulupilirawo.
Kudzakhalatu chimwemwe,
Kwa om’tamanda Iye;
Polowa muulemelero,
Wa Atate M’mwambamo.

Tsoka kwa iwetu ndi ine,
Okonda za m’dzikoli;
Tidzalira kosaleka,
Ndikukukuta mano.

Mbuye Yesu anati:
“Khalani odikira;
Ndikukakonzatu malo,
Ndipo ndidzabweranso.
Nyumba ya Atate wanga,
Malo ndi ambiridi;
Mudzakhalatu ndi Inedi,
Komwe kuli Atate.”

Musanyengedwedi nazotu,
Zokoma za m’dzikoli;
Khulupilirani Yesu,
Apatsa mtenderewo.