Chichewa Christian Hymns

Hymn 45 IFE timakufunani

IFE timakufunani
Inu wotonthoza mtima.
Yesu, nyimbo zathu zonse
Ziyamika Inu nokha.
Munasiya zonse m’Mwamba,
Kudzakhala pansi pano
Kuwombola akapolo,
Kumasula anthu anu.

Yesu, ndi chifundo chanu
Chachikulu munadzera
Ife anthu osauka,
Tsoka lathu mnachotsera.
Mwazi ndi misozi yanu
Munakhetsa m’munda muja,
Kukonzera ife njira
Yonkako Kumwamba kuja.

Yesu munalaswa m’mtima,
Ndi zonyoza munafoka,
Mnasenzera anthu mkwiyo
Wa Atate, Inu nokha.
Chikho chija ndi choopsa
Munamwacho m’phiri lija
M’mene munalola mtanda,
E! chifundo chanu chinja.

Yesu ndinu moyo wathu,
Chuma chathu choposetsa.
E! tikondwerera mtanda,
Apo moyo munapatsa.
Mbuye tikondana nanu,
Yesu Mbuye Mwini zonse;
Ndi mitima ndi milomo,
Tikuyamikani tonse.