ख्रिश्चन गाणी

गाणे 160 चला चला जाऊं गाण्याचे बोल

चला चला जाऊं,
जगाचा उद्धारक पाहूं

परमोच्चावर गौरव शांती
ह्या धरणीवरती,
कृपा नरावर, परमोत्साहें
देवदूत गाती,
प्रतिध्वनीनें ग्रह हे सारे
व्योमीं दणदणती
चला गीत तें
आपणही गाऊं

भविष्यवादी स्वर्गी सारे
लागती नाचाया,
साधेभोळे मेंढपाळही
लागति धांवाया
पूर्वेकडुनि साधु निघाले
प्रभुला भेटाया,
चला दर्शना
आपणही जाऊं

प्रीती आली देह धरोनी
आम्हां ताराया,
हस्त धरोनी मृतांस आम्हां
पुनरपि उठवाया,
जयजय येशू ह्या मधुघोषें
भुवना व्यापाया
प्रभुला हृदयीं
सांठवुनी घेऊं