ख्रिश्चन गाणी

गाणे 84 या सर्व मिळूनी गाऊ गाण्याचे बोल

या सर्व मिळूनी गाऊ या
गीत वैभवी ख्रिस्ताचे
गीत गाऊ ऐक्याचे,
हालेलूया विजयाचे -ध्रु

ही आनंदे जमली
आज मंडळी ऐक्याची
ही शुभ्र वस्त्र ल्याली,
खरी नवरी ख्रिस्ताची
जयघोषे दुमदुमले
हे मंदिर ख्रिस्ताचे -१

हे पाचारण आम्हां
अद्भूत प्रकाशाचे
हा जन्म नवा आमुचा
धन्य वारीस स्वर्गाचे
एक आत्मा एक प्रभू
आम्ही एक शरीर प्रभूचे -२

ख्रिस्ती तरुणांचा मेळा
आला दाही दिशांमधुनी
दिशा नगरीच्या चारी
दुमदुमल्या भजनांनी
महा एक संघशक्ती
संजिवन आत्म्यांचे -३

ही समई मंडळीची
प्रभु ठेव तुझ्या पायी
अशी युगेयुगे जळू दे
तव ज्योती आत्म्याची
हालेलूया हालेलूया

गीत गाऊ ऐक्याचे -४