ख्रिश्चन गाणी
गाणे 216 परमपवित्रा सर्वसमर्था जगन्नायका प्रभु गाण्याचे बोल
परमपवित्रा सर्वसमर्था
जगन्नायका प्रभु देवा
प्रभातसमयीं मंगलगीतें करितों
आम्ही तव धांवा- ध्रु
परमपवित्रा, दयासागरा,
पराक्रमाचा तूं ठेवा,
व्यक्तित्रय तव एक परी तूं,
तव महिमा आम्हीं गावा
मुकुट काढुनी तुला अर्पुनी,
धरुनी सुखदायक भावा
परमपवित्रा, पवित्र अवघे गाती,
तव करिती सेवा
दूत तुझे साष्टांग घालुनी
स्तविती तुझिया मधु नांवा
तूं होतासी, आजहि असशी,
सदैव असशिल तूं देवा
परमपवित्रा, अंधकार जरि
मनुजापुढती पसरावा
पापमया दृष्टीस तयाच्या
दर्शनलाभ न तव व्हावा
पवित्र तरि तूं, कुणी तुझ्याविण
पवित्र न जगीं गवसावा,
प्रेमबलानें पावित्र्यानें
सदा पूर्ण तूं, विश्वधवा !
परमपवित्रा सर्वसमर्था
जगन्नायका प्रभु देवा,
भूस्वर्गी, सागरीं तुझ्या ह्या
कृति गाताती तव नांवा
परमपवित्रा, दयासागरा,
पराक्रमाचा तूं ठेवा,
व्यक्तित्रय तव एक परी तूं,
तव महिमा आम्हीं गावा