ख्रिश्चन गाणी

गाणे 208 नभामधीं हा नव तारा गाण्याचे बोल

नभामधीं हा नव तारा
प्रकाश भूवरि हा सारा- ध्रु

अंधारामधिं प्रकाशला
परि जगानें तो त्यजिला
मागिजनांनी
नमन करोनी
तारा बघुनी
अंतरि विस्मित ते झाले
तैसे ते बहू प्रमोदले

प्रभू जन्मला हें कळलें
हेरोदाला भय पडलें
गव्हाणीमधिं बाळ निजे
येती भेटाया राजे
तारा पुढती
मागी त्वरिती
भेट आणिती
ऊद बोळ बहु मोलाची
तैसी ती सूवर्णाची

परलोकीं तव समक्षता
दाखिव आम्हां तूं ख्रिस्ता
तैसा दावी तव मार्ग
तूंच आमुचा हो स्वर्ग
गौरव तूझे
वैभव तूझें
दर्शन तूझें
पळभर तवही विसर नसो
संगत प्रभुरे नित्य असो