ख्रिश्चन गाणी
गाणे 139 किती सामर्थ्य धन्य प्रभू तुला गाण्याचे बोल
किती सामर्थ्य धन्य प्रभू तुला रे
मोठे नवल वाटते मला रे
येशू काना गावी गेला
मार्या होती त्या लग्नाला
द्राक्षरस तो संपला
त्याने पाण्याचा द्राक्षरस केला रे
अडतीस वर्षांचा आजारी
पडला होता खाटेवरी
त्याला शक्ती नव्हती खरी
खाट उचलून चाल असे बोलला रे
एक जन्मांध भिकारी
बसला होता वाटेवरी
त्याला दृष्टी नव्हती खरी
चिखल लावुनी त्याला दृष्टी दिली रे
येशू रानामध्ये गेला
लोक होते त्या ठायाला
उपदेश ऐकायाला
पाच भाकरी पाच हजाराला रे
बहिऱ्या तोत्र्या मनुष्याला
जन विनवी येशूला
त्याच क्षणी मुक्त झाला
येशुराजाचा गौरव केला रे
केले चमत्कार फार
गरिबांवर उपकार
प्राण दिला खांबावर
तारण करुनी स्वर्गात गेला रे