ख्रिश्चन गाणी

गाणे 308 हो स्वर्गीचे गायकगण गाण्याचे बोल

१ हो स्वर्गीचे गायकगण,
वर्णाया पास्खजय
मधुर स्वरें गा गायन,
हर्षा हो अतिशय

२ कीं सर्पमस्तका ठेंचून
तोडुनी स्वबंधन
यहुदासिंह तो गर्जून
उठवी मृतजन

३ आज्ञा ऐकूनी अधोलोक
सोडी हो बंदीवान,
येशूमागूनी सैन्य चोख,
ते येती जयवान

४ तो ख्रिस्त विजयश्रीमान
त्याला पूर्णाधिकार,
भूस्वर्गी संत भक्‍तिमान
करोत नमस्कार

५ प्रभूला आम्हीं स्तवूनी
ही कृपा मागतों
आम्हांला स्वर्गी नेवोनी
सर्वथा राखी तो

६ पित्याला असो पूर्ण मान,
असो पुत्रा दयाळ,
पवित्र आत्म्या बलवान
तो असो सर्वकाळ, हालेलूया !