Shona Methodist Hymns

Hymn 175 Sedera mweya wangu Lyrics

Sedera, mweya wangu.
Uya kuna She wangu,
Uya sezva wakaita.
Usanange panorufu,
Sedera, mweya wangu.

Zvicheme, mweya wangu,
Zvose zvitadzo zvangu;
Zvakaipa zvinonyadza,
Asi ini ndichinazvo,
Zvicheme mweya wangu.

Namata mweya wangu,
Uya kuMununuri;
Daidza iwe kuna She
Anonzwa iye kudenga;
Namata, mweya wangu.

Vimbazve, mweya wangu,
Tenda kuna She wangu;
Wakambouya panyika
Kuti ndiende kudenga;
Vimbazve, mweya wangu.

Pembera, mweya wangu
Pano M’ponisi wangu;
Wakauya kundifira,
Ndakaregererwa naye;
Pembera, mweya wangu.