Chichewa Christian Hymns

Hymn 133 NSEMBE yake ya Kaini,

NSEMBE yake ya Kaini,
Inalitu yoipa;
Nsembe yake ya Abele,
Inalitu yabwino.

Ee! Kaini,
Ee! Kaini,
Alikutitu Abele;
Mulungu am’funa.

Lonjezo la Hananiya,
Linam’tengera imfa;
Safiranso mkazi wake,
Nafa pamodzi naye.

Hananiya,
Hananiya,
Zilikutitu zopereka;
Ambuye azifuna.

Nsembe yake ya Mulungu,
Ndi Ambuye Yesuyo;
Anatifera pa mtanda,
Kutipulumutsa fe.

Ee! Mulungu,
Ee! Mulungu,
Napereka Mwana wake;
Kutipulumutsa.

Moyo wathu pothokoza,
Tipereke zoonga;
Potipatsa madalitso,
Timutumikiretu.

E! Mulungu,
E! Mulungu,
Tiperekatu zathuzo;
Mwapangano lathu.