Chichewa Christian Hymns

Hymn 396 PETURO ’nafunsa Hananiya:

PETURO ’nafunsa Hananiya:
“Zopereka zili kuti?”
Hananiya ananena:
“Zopereka ndinapereka.”

Munthu aganize,
Zimene anachita Hananiya
Munthu aganize
Njira yakuunika.

Mbiri ya Hananiyayo
Inali yodabwizatu;
Ananyengatu Peturo;
“Zopereka ndinapereka.”

Ife tonse tichenjere
Tingadzachite zomwezo:
Tisaname ndi kunena:
“Zopereka ndinapereka.”

Mulungu akondadi leroli
Wopereka mokondwera;
Tikapereka motero
Tidzalandira dalitso.