ख्रिश्चन गाणी

गाणे 137 किति गोड! किती रे गोड गाण्याचे बोल

किति गोड! किती रे गोड !
नाम तव वाटे,
मन प्रेमरसाच्या
उले खळखळाटें

सहवास, पुरे तव ह्यास,
स्वर्ग मग येशू,
नच दुजा, दाखवी
चरण तुझे आशू

हृत्पटीं, तुझी गोमटी,
मूर्ति वसलेली,
ती उभीच माझ्यापुढें
असो केली

तूं, प्रेम ! मूर्त तूं प्रेम,
प्रेम तूं देवा !
प्रभु, रूपा येशी
धरुन येशू नांवा

मन्मना, एक वासना,
तुझ्यासह जावें,
हें आयु येथलें
तुझेंच तें व्हावें