ख्रिश्चन गाणी

गाणे 88 शेवटीं, प्रभुराया गाण्याचे बोल

शेवटीं, प्रभुराया,
बिलगलों तुझिया पायां
गेला रे गेला माझा,
आजवरी जन्म वायां -ध्रु

तुझा मी शिष्य थोर
शिष्टधर्मी धुरंधर
वाटलें अभिमानें,
आतां लाज वाटे फार -१

मीपणें फसविलें,
तुला मला दुर केलें,
सर्वथा स्वमनाचें,
तुझ्या नावें दास्य केलें -२

मजला बुद्धि नाहीं,
बळ नाहीं, ज्ञान नाहीं
तूंच रे तूंच माझें,
आतां ख्रिस्ता, सर्व कांहीं -३

मजला दृढ धरीं,
नको जाऊं देऊं दूरीं,
एवढी भीक घालीं,
वाट पाहतों मी दारीं -४