ख्रिश्चन गाणी

गाणे 71 पतिता, ये, चल शुचि व्हायाला गाण्याचे बोल

१-पतिता, ये, चल शुचि व्हायाला,
प्रभु येशुपदास धरीं,
अघसिंधूमधुनि तरायाला
प्रभु येशुकृपाच तरी

ध्रु-प्रभुच्या.. प्रभुच्या..

प्रभुच्या धर वंद्य पदा;
जगदुद्धारक गुरूराजाच्या
न दुजा पथ मुक्तिपदा

२-प्रभु येशू क्षितीवरि आला या,
बघ तोचि समर्थ सखा,
अघपाशा झडकरी तोडाया
तुज देईल नित्य सुखा

३-म्हणवी तो पतितसखा, देई
अघमुक्ति विनम्र जनां
म्हणुनी तूं शरण तया जाई,
प्रभु देईल शांति मना

४-मनुजांच्या हरि अवघ्या तापा
प्रणतीं करूणा करितो,
प्रभुपाशीं चल त्यजुनी पापा
शरणगततारक तो