Chichewa Christian Hymns

Hymn 277 GWIRA zintchito zako,

GWIRA zintchito zako,
Pomva usiku udza;
Yamba mamaŵa ndithu
Potuluka dzuŵa.
Gwiranso m’msana monse
Dzuŵalo likatentha;
Gwira tsopano ntchito;
Msanga udzaleka.

Ntchito za Yesu gwira
Pomva usiku udza;
Lero lonseli gwira,
Bwino udzapuma.
Gwiratu tsiku lonse
Ntchito zakuyenera;
Gwira tsopano ntchito,
Tere udzaleka.

Mkristu gwiratu ntchito
Pomva usiku udza;
Dzuŵalo lopendeka
Tere lidzaloŵa.
Gwiranso ’dzulodzulo
Kutada mdima bii!
Tsono zintchito zonse
Zatha zonsezi.