ख्रिश्चन गाणी

गाणे 209 न:म परम मंगला गाण्याचे बोल

न:म परम मंगला
गौरवूं तुला परम वत्सला – ध्रु

ध्याऊं, गाऊं पुजूं वाहुनी
प्रेमाश्रूंच्या फुला
गौरवूं तुला, परम वत्सला

जगत्कारणा बापा, न कुठें
तव वात्सल्या तुला !
गौरवूं तुला, परम वत्सला !

जगत्तारणा पुत्रा, अनुपम
तुझी कृपा निर्मला !
गौरवूं तुला, परम वत्सला !

जगच्चालना, पवित्र आत्मन्
हो मम जीवनकला !
गौरवूं तुला, परम वत्सला !

अगा अद्वया, सदा अनुभवूं
तुझ्या त्रिविध भूतिला !
गौरवूं तुला, परम वत्सला !