Kalenjin Hymns – Tienwogik che Kilosune Jehovah

Hymn 143 Agilege eng’ kayanet Lyrics

1. Agiilige eng’ kayanet,
Owendi tai eng’ bandanyu;
Asa-ati eng’ orennyu
Ale, Jesu, igimita.

Kibendoti ak Jehovah,
Ak ayani kimnatennyi.
Agot ngo usa bikab ng’ony
Abaibai eng’ Yetindennyu.

2. Mi bik alak eng’ ng’onyuni
Che mi mestetab kanjobet,
Ago agiilige ane –
Awendi tai eng’ kayanet.

3. Amache kilaakwa iman
Karik tugul che bo luget,
Asi ye yoma bunyondet
Aterteri eng’ kayanet.

4. Kona atien eng’ boiboiyet
Koboto bik che tililen
Asa-e betusiek tugul
Ale, Jesu, Igimita.