Nyimbo za wokovu

Wimbo 91 Mkuu Akamjia Yesu Usiku Maneno ya wimbo

Mkuu alimjia Yesu usiku,
Kwa kumwuliza njia ya wokovu;
Kwa udhahiri akamjibu Bwana,
Uzaliwe tena.

Uzaliwe tena,

Uzaliwe tena;

Amini, Amini, nakuambia

Uzaliwe tena.

Sikilizeni, Enyi wanadamu,
Na lishikeni Neno lake tamu;
Jinsi Yesu kwako alivyonena,
Uzaliwe tena.

Enyi mtakaoingia raha,
Kuimba na waliokombolewa;
Ukipate kipawa cha uzima,
Uzaliwe tena.

Mpendwa wako aliye mbinguni,
Atakukaribisha mlangoni;
Uyasikie maneno ya Bwana,
Uzaliwe tena.