Shona Methodist Hymns

Hymn 245 Mwari mundidzore imi Lyrics

Mwari mundidzore imi,
Ndizwe nyaya dzakanaka,
Dzinorehwa namaKristu,
Neni ndinodzida.

Kana ndadzigamuchira,
Ngandiparidze kuvamwe,
Avo vasingadzizive,
Vagotenda imi.

Vamwe vanokutsvakai,
Asi vanoshaya munhu
Angavatsanangurire
Ayo mazwi enyu.

Zvandazvipira kwamuri
Imi shandai mumwoyo,
Mundibise zvakaipa
Ndisare ndachena.

Femerai vanhu vose
Vanodisa kuparidza,
Vachiwane ichi chipo
Chokudzora vanhu.