Shona Methodist Hymns

Hymn 213 Baba wedu tinouya Lyrics

Baba wedu tinouya
Kuzonamata,
Kuti makatichengeta
Nokuda.

Imi makatuma Jesu
Munyika yedu,
Kuti munotida isu
Zvikuru.

Wakaparadzira isu
Rudo netsitsi;
Wakashuma kuti Mwari
Ndibaba.

Jesu akagotifira
Pamuchinjikwa;
Akagotiregerera
Netsitsi.

Zvakaipa zvedu zvose
Wakazvitora;
Mhosva dzedu wakaripa
Nokufa.

Baba tinokutendai
Kuti matida;
Tichaedza basa renyu
Nokuda.