Shona Anglican Hymn  215  Musi uyo wokumuka

 

1 MUSI wokusuva kwazvo

Uyo takaudzwa kare

Zviro zvese zvichapiswa.

2 Vanhu vari kutya kwazvo,

Apo Tenzi anouya

Kuzotonga vanyangadzi.

3 Tsuri iri kudaidza

Mumakuva avakafa

Ichimutsa vanhu vese.

4 Vese vari kutenheka

Pasi rese richamuka

Richipindura Mutongi.

5 Ona, tsamba yoMutongi!

Zviro zvese zvakanembwa

Isu tichatongwa ndizvo.

6 Anouya kuzotonga

Hachivigwi chimwe chiro,

Zvese zvichazivikana.

7. Ini munyangadzi kwazvo

Ndichafadza Tenzi sei,

Kuti vese varikutya?

8. Mwari umambo hwese

Iwe wakatiponisa,

Tibatsire vanyangadzi.

9. Funga Jesu, Muponisi,

Iwe wakauya pasi

Kundibvisa muGehena.

10. Nhamo yako inokosha

Yakatenga vanyangadzi

Yakaitwa nhando here?

11. Tipe kuti mweya yedu

Icheniswe neRopa’ro

Isu tisatitatongwa.

12. Ndinochema nokubvuma

Mhosva nezvitadzo zvangu

Ndiponise, ndibatsire.

13. Iwe wakasunungura

Mbavha iri paM’chinjiko

Nomukadzi wakaipa.

14. Handigoni kunamata

Handigoni kupinduka

Asi Tenzi ndiponise.

15. Ndiise mudanga redi

Rine hwayi dzakanaka

Usandirase nembudzi.

16 Apo vanhu vakaipa

Vanopinda muGehena

Ndidaidze navatsvene .

17. Ona ndirikupfugama

Ona ndinosuva kwazvo

Ndiponise munyangadzi.

18. Musi wokuchema kwazvo

Vanhu vari kudaidzwa

Vanouya kuzotongwa.

19. Vaponise Tenzi Mwari.

Jesu Tenzi une nyasha

Vape runyararo rwako.