Nziyo Dzekereke RCZ hymnal

Hymn 175 Hwiro hwedu ndouvato Lyrics

1
Hwiro hwedu ndouvato
Patichazorora,
Kana nhamo nomubato
Pasi zvatoguma;
Jesu ndiwakatifira,
Hatingatyi rufu;
Jesu ndiwakarukunda,
Tikararamiswa.

2
Jesu wakamuka kare,
SHE unorarama;
Neni ndichava paari,
Neni ndichamuka;
Ndichafara, ndichatenda
Zuva rokumuka;
Ndichaonga, ndichakudza
Iye wandirwira.

3
Ndingarega kuzokwasha
K’rona yokum’ soro?
Mwoyo unochema koga
Kushumira Jesu.
Nyika, zvako handizvidi,
Hazvibetseri;
Zvako ngazvibve pandiri,
Handichazvitendi!

4
Vose vandafirwa navo
Vakatungamira;
Neni ndichauya hangu,
Tichazoonana;
Nhambo yangu iri pedo,
Ndinoimirira,
Kuzodanwawo kum’soro,
Pavakatokwira.