Nziyo Dzekereke RCZ hymnal

Hymn 14 Richave zuva guru zvirokwazvo Lyrics

1
Richave zuva guru zvirokwazvo,
Nhapwa dzeZion dzichadzoswazve
Zvikuru zvatichazofadzwa nazvo,
Savanorota, vozipirwa sei!
Miromo ichazara kudzo huru,
Nemipururu ichazonzwikawo,
Zvichanzi: Zvokwadi, ndizvo zvikuru,
Zvaita Jehova SHE naivavo!

2
Ndizvo zvikuru, nesu tinodaro,
Zvataitirwa naJehova SHE;
Ndizvo zvinotigutsawo mufaro,
Zvinotigadza norugare sei!
Dzokesa, SHE, vagerewo kudzoka.
Vanongogara vakasungwapo;
Mafuro enyu ave namapoka,
Senzizi dzichizara mvurawo!

3
Dzokai vatapwa, chitiza-i njodzi!
Munongotendawo kuchema nei!
Munosikusha mbeu dzemisodzi:
Zvinotifadza zvakawanda sei!
Regai kukohwa shungu, muchidero.
Uyai! ticheke zvakatipa SHE!
Hendei, tisenge mwanda nomufaro,
Nhapwa dzeZion dzinodzoswazve!