Nziyo Dzekereke RCZ hymnal

Hymn 39 Ndinorumbidza rudo rwenyu Lyrics

1
Ndinorumbidza rudo rwenyu
Nenyasha yandapiwawo;
Ndofarirawo kuda kwenyu,
Pamakandiponesa’po.
Ndisine chandamubatira;
Mandida SHE, muchindifira.

2
Madzingwa nei mukudenga,
Chinyi chamudzakisako
Nezvivi zvedu zvamasenga,
Makasengedzwa naniko?
Mapinda muurombo hwose,
Zvamanga makatida tose!

3
Ndichamutenda misi yose;
Zvamandida, ndimudewo;
Zvamakandivigira zvose,
Neni ndimushumirewo,
Nokumutsvaka misi yose,
Ndichingomupa mwoyo wose!

4
Ndinorumbidza nyasha dzenyu,
Panosiunganirwa’po;
Ndinogwadama mberi kwenyu
Nezvanza zvakafunyiswa,
Ndichimuonga zvamaita;
SHE wangu, Jesu, munondida!