Shona Methodist Hymns

Hymn 116 Baba ndiri mwana wenyu Lyrics

Baba ndiri mwana wenyu
Nyange ndakatadza;
Ndinochema mberi kwenyu,
Mundiregerere.

Zvitadzo zvangu zvizhinji
Hazvingaverengwe;
Ndinozviisa kwamuri
Mundiregerere.

Mirau yenyu ndakatyora,
Ndakakuzvidzai,
Mununuri ndamurasa
Mundiregerere.

Ndakatadza nokureva
Nokufunga kwangu,
Ndakatadza namabasa,
Mundiregerere.

Nyange ndanga ndafanera
Kukukurumbidza;
Ndatadza nokukanganwa;
Mundiregerere.

Nezvakaipa zvizhinji
baba, ndakatadza,
Ndakakunyadzisai imi,
Mundiregerere.

Muri Mwari mune ngoni
Dzisingazopera.
Naizvozvo ndinochema;
Mundiregerere