Nziyo Dzekereke RCZ hymnal

Hymn 154 Kudzai Wedenga muchingomuongawo Lyrics

1
Kudzai Wedenga, muchingomuongawo,
Mose muchigwadamira iye;
Mumupisire zvibayiro zvenyu ’po;
Ndiye Jehova, izita raSHE.

2
Uyai nenhamo inomuremedza-i,
Ndiye uchamuremudzai iyo;
Uchamunatsa, amuperekedza-i
Nzira yoisa kudenga uko.

3
Muregotya kuzopinda mutembere,
Muchiti: Tiri vatadzi isu;
Mwoyo wazvokwadi ndowaanoda SHE,
Ndicho chibayiro chotendwa naye!

4
Tinongohuta tichingoswederapo,
Bva tinouya nezita raSHE;
Uchatinzwira urombo nenyashawo,
Kutya kuitwe mufaro naye.