Himnario Gracia y Devoción

Himno 152 LI CHABIL NA’BEJ Letras

1
Nak najultico’ cue nak cuanquin chak sa’ inca’ch’inal
Cuan cui’ nak nintz’ektana lix nimal xrahom lin na’
Ut nak ac xcam nacuaj raj nak yo’yo ta chinrabal
Sa’ jun cutan toxcuil ru sa’ choxa

At li chabil na’bej, aran toxcuil acuu
Arin nanak sa’ inch’ol la chabilal
Aran sa’ li choxa mac’a’ chic la raylal
Lain nacuaj toxcuil ru la rahbal.

2
C’ajo’ xraylal nak xincuan chak sa’ li mausilal
Lin chabil na’ quixc’am inbe chi sa’ li chabilal
Ut xban lin ca’ch’inal li na’ quiril xtok’obal cuu
Sa’ jun cutan toxcuil ru sa’ choxa.

3
Lin chabil na’ k’axal ninxjultica chi junelic
Chi k’ek ut chi cutan yo chi tijoc lin na’ chicuix
Li naxtz’ama chiru li Dios nak tinpabank taxak
Sa’ jun cutan toxcuil ru sa’ choxa.

4
Nak quicuulac li resilal quixye, quim chi junpat
Cui nacacuaj rilbal la na’ xic re sa’ li choxa.
Ac yo chi came nak quincuulac, c’ajo’ nak quinyabac
Xinye toxcuil acuu sa’ li choxa.