Chichewa Christian Hymns

Hymn 31 MULUNGU Wamkulu,

MULUNGU Wamkulu,
Ndi waulemudi;
Ndipo zanu zonse,
Ndi zaulemunso.

Mulungu Wamkulu;
Tikugwadirani,
Mkati mwa nyumbayi,
M’lemekezedwedi.

Ife tasonkhana,
M’nyumba muno lero;
Kupembedza Inu,
Mwaulemudi.

Tipempha kwa Inu,
Mulungu Wamkulu;
Kuti mutsekule,
Mitima yathuyi.

Mutiwunikire,
Pomva mawu anu;
Kuti akhalitse,
M’mitima yathuyi.

Tikudzipereka,
Modzichepetsadi;
Mutidalitsetu,
Kunthawi zonsezo.