Luganda Anglican Hymn OLUYIMBA 8: GGWE MUSANA GW’OBULAMU Lyrics

OLUYIMBA 8: GGWE MUSANA GW’OBULAMU
1
GGWE musana gw’obulamu,
Yakiranga ddala mu ffe,
Ekizikiza kyonna
Ka kive mu myoyo gyaffe,
Ng’otumulisa-,emmambya
Ng’esaze.

2
Enkuba nga bw’etonnya,
Ku bimuli ne ku muddo,
Bw’otyo bw’otufukako
Ekisa eky’omwoyo gwo;
Ennyonta yaffe yonna,
Eggweewo.

3
Ng’enjuba bw’emerusa;
Ebibala eby’omu nsi,
Bwe butyo-obulungi bwo
Bwe bumeza-obutukuvu
Tukuweerezenga ggwe,
N’essanyu.

4
Ggwe wekka ssuubi lyaffe,
So tewali akwenkana,
Beera kumpi gye tuli;
Mu makubo g’obulamu
Tulyoke tutuuke-eyo;
Mu ggulu.