Luganda Anglican Hymn OLUYIMBA 309: TWETAAGA YESU: YESU,SO SI MULALA Lyrics

OLUYIMBA 309: TWETAAGA YESU: YESU,SO SI MULALA
1
TWETAAGA Yesu:Yesu,so si mulala
Ekisa kye kinaatumala ffe.
Twetaaga Yesu: tugobe Ssetaani
Ng’atusemberera mu ttima lye.

2
Twetaaga Yesu:Yesu Musaale waffe
Mu nzikiza mwe tutambulira;
Nga tumweyabiza,tulaba-essanyu;
Ye ngabo yaffe,gye twambalira.

3
Twetaaga Yesu:Olwazi lw’emirembe;
Katonda kwe yatuyimiriza;
Nga tumulaba,tetuwunjawunja,
So tetubaako kyonna kye tutya.

4
Twetaaga Yesu:mu biro by’okulumwa;
Tewali-amwenkana-okusaasira;
N’okutuwa n’atuwa obutamma
Amaanyi ge agatuwanguza.

5
Twetaaga Yesu:nga tufiiriddwa-abantu
Be twagala-,abeebakira mu ye:
Atukubagiza ne tutakaaba,
Nga tulowooza ku bigambo bye.

6
Twetaaga Yesu:anaatuukirizanga
Buli kye twetaaga-olw’ekisa kye;
Tuweebwa-obutuukirivu ku lulwe,
Nga tuyima mu ye tulokola.