Nyimbo Cia Agendi – Kikuyu SDA Hymns

Hymn 159 Ta Njiira Wee Muraangiri Lyrics

1
Ta njĩĩra we mũraangĩri, Kũrathererũka atĩa!
Riiri ũcio wa Zayuni, kwĩ na marũũri maguo?
Wee Mũgeendi ndũgĩũkĩre, ũrorete matu-inĩ,
Warahũke wĩhotore, Tondũ rĩu nĩkũrakĩa.

2
Mũraangĩri kiũmĩrĩrie, nĩũmũrĩkĩirũo njĩra,
Marũũri ma gũũka gwake, Mũthenya wĩ hakuhĩ;
Rĩrĩa coro ũrĩhuuhwo, arĩa akuũ maarahũke,
Andũ a Ngai arĩa atheru, Nĩmakaheeo muoyo.

3
Mũrangĩri one ũkeengi, wa mwaka wa Thabatũ;
Mĩgaambo nĩĩranĩrĩra, ũthamaki nĩmũkinyu,
Mũgeendi niĩ nĩndĩroona, Kĩrĩma gĩa Zayuni,
Mũciĩ wa Jerusalemu, O na ũthaka waguo.

4
Mũthamaki aikarĩte, mũciĩ ũcio mũthaka,
Gĩtĩ-inĩ gĩake kĩega, Nĩho athamakagĩra,
Kwĩ na thaayũ kũũndũ guothe, o na bũũthi mĩgũũnda-inĩ;
Tĩĩri naguo wĩ na ũnoru, Na njũũĩ nĩihoreire.

5
Mũrangĩri twĩ hakuhĩ, Bũrũri ũcio mũthaka,
Tũthiĩ mbere tũkenete, Bũrũri waa gĩkeno,
Thikĩrĩria kwĩ na rũĩmbo, Rũa arĩa mahonoketio;
Nawe ndũkĩĩrutanĩrie, ũtuĩke wa rũĩmbo rũu