Hmong SDA Hymns

Hymn 136 KUV TAU NCE MUS Lyrics

1.Kuv tau nce mus txog roob kaus lab kaus thas
Pom Vajtswv raug ntsia dai ncuv los ntshav
Yesxus nws tuag vim peb txoj kev phem
Nws hlub peb thiaj nqes los tso peb dim

2.Yesxus tuag ntiajteb tau ua zog qas koog
Mas nws tuag dai ncuv saum khaub lig ntoo
Neeg qaum ntuj tau qheb rooj ntug los saib
Ciav Yesxus dai ncuv tsis muaj neeg hlub

3.Mas neeg txhaum thiaj muab Yesxus nws txo los
Muab nws tso pw rau hauv lub qhov ntxa
Puv peb hnub saub qheb rooj ntug los tsa
Tswv Yesxus sawv tsees ntawm txoj kev tuag

4.Nws thiaj nce mus cuag nws leej txiv Saub lawm
Nws kom peb muab txoj kev hlub qhia mus
Muaj ib hnub mas nws yuav nqes rov los tos
Cov ntseeg mus nyob saum nroog ceeb tsheej ntuj