Efik Hymns Lyrics

Hymn 227 ete, mofiok nte afo Lyrics

227

1. Ete, mofiok nte Afo
Obot, akama mi,
Mmodo mfeheke ndikut
ŋkpo ekededi.
ŋkpo kiet emi ke mbeŋe
Ifet ndima Fi.

2. Mebeŋe Fi eti ima
Otode k’ukpeme,
Ndisak imam k’ini imam,
Mbon ukut ndise,
Ye eti esit mbom y’owo,
Emi ofuhode.

3. Nyomke ekikere emi
Minaŋa oto kiet,
Nyomke akwa ŋkpo ndinam,
Abasi Ibom ndibiet.
Nam mi mbiet ekpri eyen,
Asaŋade ke mbet.

4. K’ uwem mi ke ererimbot,
K’ebiet ekededi,
Nam mi nnyene esit kiet,
Ye mm’owo nte ami,
Ye ekpri utom ima ndinam
Nno akwa Abasi mi.

5. No mi odudu kpukpru usen,
Abasi mfon-ido,
Ye eti esit ye mbon efen
K’ ini ntide Fi.
Yak nyuho k’ ekpri itie mi
K’ akwa ukpono Fo.